అభిమానులకు షాక్.. టిక్కెట్ ధరలను రెండింతలు పెంచిన సన్‌రైజర్స్

అభిమానులకు సన్‌రైజర్స్ హైదరాబాద్ (ఎస్ఆర్‌హెచ్) షాకిచ్చింది. ఎస్ఆర్‌హెచ్ ఐపీఎల్ టిక్కెట్ల ధరలను భారీగా పెంచింది. ఈ నెల 22వ తేదీన ఉప్పల్ వేదికగా ఎస్ఆర్‌హెచ్, రాయల్ ఛాలెంజర్స్ బెంగళూరు మధ్య మ్యాచ్ జరగనుంది. సాయంత్రం 5 గంటలకు ప్రారంభమయ్యే ఈ మ్యాచ్ కోసం డిస్ట్రిక్ట్ యాప్‌లలో టిక్కెట్ల కోసం బుకింగ్ మొదలైంది. టిక్కెట్ల ధరలను రెండింతలకు పైగా పెంచడం గమనార్హం.

రూ.950 టిక్కెట్ ధరను రూ.2 వేలకు, రూ.1,500 టిక్కెట్ ధరను రూ.3 వేలకు, రూ.1,910 టిక్కెట్ ధరను రూ.3,500కు, రూ.2,500 టిక్కెట్ ధరను రూ.4,500కు పెంచారు. అలాగే రూ.4,500 టిక్కెట్ ధరను రూ.6 వేలకు, రూ.7 వేల టిక్కెట్ ధరను రూ.10 వేలకు, రూ.23 వేల బాక్స్ టిక్కెట్ ధరను రూ.30 వేలకు, రూ.30 వేల కార్పొరేట్ బాక్స్ టిక్కెట్ ధరను రూ.45 వేలకు పెంచారు.